حفلة عالمية

وش رأيكم بفكرة حلوة، نخلي كل الأطفال يفرحون معنا بنجاحنا، يعني مثلا نسوي حفلة نجاح كبيييرة وكل أطفال العالم يحضرونها..؟
لا تقولون صعبة..ما في شيء صعب، ولأن عندنا وسائل اتصالات سريعة راح نقدر نهني ونبارك ونفرح مع كل الأطفال في كل مكان.
طيب هالحين وش أكثر شيء حلو بالحفلات..؟
الفرح والهدايا صح؟
طيب وش رأيكم كل واحد منا يا حلوين يتبرع بلعبة، أو هدية، أو قيمة هدية لأي دار خيرية فيها أطفال..؟
وممكن بعد نزور الأيتام، والمرضى من الأطفال، ونعطيهم هدايا بسيطة..
واللي عندهم أصدقاء بعيدين، وعايشين في مدن بعيدة يرسلون لهم تهنئة على الإيميل
ولا تنسون ترى ممكن تسوون حفلة صغيرة بالبيت وتقولون لأمهاتكم وآبائكم شكرا..
شكرا لأنهم ساعدوكم، وأعطوكم فرصة للنجاح.
هذا بيخلينا كلنا نتشارك الفرحة بالنجاح... ومبروك للناجحين.