سلام يا سلمان

قصيدة مهداة إلى صاحب السمو الملكي الأمير سلمان بن عبدالعزيز آل سعود ولي العهد، نائب رئيس مجلس الوزراء، وزير الدفاع.
سلام يا سلمان يا طيب الفال
سلامٍ أحلى من حليب المتالي
وأزكى من العنبر بريحه ليا جال
وأغلى من الياقوت لو كان غالي
يا مزبن المضهود ايلا حده الجال
يا وافي القالات في كل حالي
يا ملين القاسين يا ذرب الافعال
مروي شبات السيف حامي التوالي
أنت الذي تضرب بك الناس الامثال
وأنت الذي بالناس ما لك مثالي
أمدحك يا سلمان والصدق ينقال
يزهاك فعلك يا كريم الفعالي
يفرح بك اللي حده الضيم واللال
يا مرتكي للكايدات الثقالي
يفرح بك المعسر ايلا حده الجال
ويكرهك خصمك يا بعيد المنالي
ويرح بكل اللي تالي الليل هشال
ويرتاع خصمك ايلا سمع لك مجالي
إن كبرت الدعوى على الحال تحتال
حلال صعب مشربكات الحبالي
رايك سديدٍ وللصعبات حلال
قتالها حلالها باحتيالي
ابو فهد مطوع الضد لا عال
يشهد له التاريخ أول وتالي
حرٍ مخاليبه على الضد أثقال
حرٍ شهر مجناه من راس عالي
وإن ثوَّرت حرب نيران أشعال
يقدم على الموت الحمر ما يبالي
مقدم جيوش المملكة نسل الابطال
لا شب نار الحرب يوم القتالي
يا ابن المليك الصيرمي شبل الاشبال
اللي حكمها من جنوب وشمالي
عبدالعزيز اللي على شهب الاذيال
عفا جوانبها بحد السلالي
بمرهفاتٍ يعدل الخصم لا مال
عنها يكف اعداه كف الجمالي
هذا وصلوا عد ما هلْ همَّال
على شفيع الخلق يوم الهوالي
شعر: المحامي عبدالله سعد تميم آل قير القحطاني
كاتب عدل جدة الأولى سابقا