خروج بدون عودة

يابحر ياكثر سمارك وسرك دفين
فى أعماقك اللي مثل قلبي على ماحوى
أجيك وأنا عرفك يابحر مالك خدين
اغريتنى فى هدوك لين موجك عوى
تجيبني ذكريات الشوق لك والحنين
قلطتنى ضيف وأنا ضيف بحر الهوى
عجزت لا أقاوم أمواجه وجنبي متين
يابحر خارت على شاطيه كل القوى
سبحان من سخرك تجرى عليك السفين
رغم ملوحتك كل اللي يجيك ارتوى
وأسباب ملحك دموع ضيوفك العاشقين
كم عاشق لا اشتهى يبكى لحضنك ضوى
فضفضت لأنفاسك أسراري وأنا لك مدين
كنت التجي لك واحس أنك لهمي دوى
وتهديني الشعر وأنا أهديك در ثمين
ورويت سري لمحارك وعني روى
ماقلت لك خلها بيني وبينك لحين
نجيك في الموعد اللي تنتظرنا سوى
مليت من وحدتي جنبك وقلبي حزين
ياليتني كنت بالواد المقدس طوى
واليوم يابحر سجلني مع الراحلين
وإن قلت يابحر عود قلت مالك لوى
مطر الروقي