حييت بالخير

كن ياوطن للحب مسرح وميدان
عانق سما وأنت المعالي مكانك
قل للبحر يزهو بلولو ومرجان
ويابر صافح بالنفل قحويانك
وزف اوركيدك عطر في كل بستان
ولاينتهي حبك وكامل حناك
تبسمي يادار جايك بليهان
اللي جميل اسمه ما فارق لسانك
جايك رفيع المستوى عالي الشان
صنتيه حب وداخل القلب صانك
جايك ولي العهد والخير سلطان
يعاني ويسهر ويتعب عشانك
ساهم ببنيك خير وأمجاد وأمان
لين اعتلى من فوق الامه مكانك
يامرحبا .. واقلوبنا نبضها زان
ياقلب زان الورد مع شمعدانك
بقلوبنا فرحة ولامثلها كان
يافرحة الخفاق هاذا زمانك
وشلون مانفرح بجية كحيلان
وشلون يافكري ما يعلن بيانك
إن الشعر لعيون سلطان طربان
زد ياشعر وأنا عليّه ضمانك
إنك لتصبح في بليهان عنوان
للجزل ويروم الفخر صولجانك
ويامرحبا حييت يالخير سلطان
قلب الوطن فرحان كله عشانك