تعافى الوطن

فديتك وشعب المملكة كلها بفداك
سلامتك يانبع المشاعر ومنهلها
خطاك البلا واشتاقت أرض الوطن لخطاك
وتباشر بك قلوب معك جيت تحملها
هنا ننتظرك وكنت معنا لو أنت هناك
الأمجاد سيرة وأنت مجدك يواصلها
تعافى الوطن من يوم رب الملا عافاك
ومكارمك هلت في الجزيرة مخايلها
وتعافى الكرم والجود من كثر بذل ايداك
وتعافت نفوس كنت بالخير كافلها
هلا بك عدد ياسيدي ضحكة محياك
هلا بك عدد كثرت صعاب تذللها
كستك السلامة جعل طول العمر تهناك
وتهنى ديار تفتخر بك قبايلها
على العهد ياواليه وولايته بحماك
مقامك ونفسك كمل الله خصايلها
بعيد النظر صقر الجزيرة بعد سماك
بسلطان سلطان المراجل وعاهلها
عسى ربي يديمك وبعنايته يرعاك
على كل طالة وأنت بالفعل طايلها
وتبقى فخرنا يابو خالد وحنا ابناك
وتبقى البلاد اللي سموك يمثلها
وعودتك فرحة جعل يملا الفرح دنياك
ومسيرتك في درب المعالي تكملها