أقلب الدنيا على راس الشعر

من زمان ..
وكل من حولي حبايب ..!
كان ماغيرك حبيب ..
كنت حلم فيه طعم الشوق ذايب ..
كنت طاري نفح طيب ..
كنت غير ..
كنت حلم بروح خير ..
كنت أشوفك بين شوقي والثريا ..
حلمي اللي لو تهيا ..
لأقلب الدنيا على راس الشعر ..
إن كان ماجابك «هنيا» ..!
من زمان ..
كنت أدور بك نصيبي ..!
وأسأل أيامي ..
ترى .. وينه حبيبي؟
وجيت مدري ..
أشرقت شمس الصباح بجيتك؟
صارت الدنيا ضحى ..
مدري بوجهك صحا ..
ليل شوقي ..
شوقي اللي لو تقول إنه عليك ..
لا يابعد روحي يبيك ..
ضمني .. لك
اشتهيت أدفاك أكثر ..
اشتهيت أضماك أكثر ..
واشتهيت الموت أكثر ..
مارويت من الظما ..
يكفى ظما ..!
أسقني من سلسبيلك ..
ما أبي أروى ..
وأن رويتك..
خلني لك دانية..
خلني بك عالية ..
لا تروح ..
ولا تخليني أجي لك ..!