إلى الضوء «مسفر الدوسري» بعد تلك الليلة

صوت الماي بروحك:
أصل جروحك
وانت بروحك
في هالعالم تسمع بوحك!
فهمك نفسك:
مكلف / موجع:
مثل الصبر
جهلك: صامت
بارد موحش
مثل القبر
وانت اخترت تموت/
تعيش/
تطيش/
تبعثر من جنحان احلامك عش وريش
لكن ليش؟
**
محزن جدا
انك تكتب آخر نص وتفرح فيه!
لما تطق أبواب ظنونك
كم باقي لك من هالعالم - في هالعالم
يقدر مثلك
يقدر يهلك
ويضيع بواديك وسهلك..
يقرا: سهلك
ويصير أهلك
يغرق فيك
وتنجي فيه..
ويقاسم خبزة ذائقتك
– هذي الليلة –
ويقدر يلمس هذا التيه!
**
كان الوزن ال(فعلن)
(سلطة)
كان السيد شعر ال(سلطة)
(فعلن.. فعلن..)
كانت ورطة!
كنت اتدارك – مثل الأخفش – واسرق معناي ومغناي
والقى ذائقة القارئ سيارة شرطة!