قول وفعل

ما يفيد الطبل .. يا أمير .. قرع الطبول
لو تشيله: طبل ، ولا تحطه: طبل!
العقل ما يهزه .. جهل بعض العقول
العقل بالشجاعة .. والشجاعة: عقل
يا محمد فديتك ما جهلك الجهول
كل عقل تحجر، صار علمه: جهل
تقصر أعمارهم أما أنت عمرك يطول
مات ذاك اللئيم .. وطال عمر البطل
وأنت كلك أمير .. وكل مزنك هطول
منبع الخير من علياك جاد .. وهطل
تسبق المشكلة .. للمشكلة .. بالحلول
تزرع الياس فيهم، كثر مابك: أمل
تنتزع كل حقك من يدين مهبول
عاصف الوقت يعجز لا يهز الجبل
واجد اللي يقول .. وما نشوف الفعول
أنعم الله علينا فيك: قول .. وفعل
عبد اللطيف بن عبد الله آل الشيخ