برق الشهامة

أنا شعلت بعتمة أيامهم ضو
مداده أفكار وتراث وعقيده
ما أقول للي وارد عدهم رو
لو سجلو بعض المواقف مكيده
من عفتي برق الشهامة جذب نو
غابت ظروف المسملة والجديده
وان سرحو ذود النوايا على دو
يمحل ويبقى للنوايا شريده
لوهو سبب ماصار قالوا ماهو هو
زلة رفيقٍ له وغلطة عضيده
كم لي أجاملهم اليا منهم جو
نمدح ولكن مالقينا وليده
كيف اتحرى ليت تصدف مع لو
وانا ابخص بحل الزمان وشديده
اليا متى نشعل بعتماتهم ضو
نموت جوع ولاتموت القصيده