عام من المجد

عام على البيعه يعادل مية عام
بانجازها.. واعجازها.. وبركتها
أوّل سنة من عهد تجسيد الاحلام
اللي بلادي من زمن راسمتها
عنوانها قدّام.. قدّام.. قدّام
صدارة العالم بلادي نوتها
عهد بدينا فيه تأديب الاخصام
اللي غلطنا قبل بمجاملتها
عهد بدينا فيه تحطيم الأرقام
اللي شعوب الارض قد حققتها
عهد محمد بث به روح الإلهام
غيّر به انماط الحياه وصفتها
تحوّل هادئ حسب روح الاسلام
على الصفات اللي بلادي بغتها
حفظ هويتنا من اخطار واوهام
اهل التطرف والغلوّ وفئتها
يا مهندس التغيير تعبت الاقلام
في عام تكتب سيرتك واتعبتها
وشلون لو هو قد مضى عدة اعوام
كم مكتبه ومجلدات ملتها
يا صاحب الرؤيه عسى ايامك اعوام
شدّ الصروح اللي يدينك بنتها
ضدّ الظروف ولا يهمّك يا ضرغام
وحنا سلاح الدار بمواجهتها