[email protected] السلام عليكم ورحمة الله وبركاته اعزائي المواطنين : قمت انا وصديق لي تاجر اغنام بنفس السوق في جوله تفقديه تمشيه مثل مايقولون في الليل ومرينا المصلخ قال تبي تشوف كيف تعامل المصلخ مع الذبائح في ظل غياب الرقابه كان زمان يقولي ماصدقه لانه مستحيل احد يسوي كذا لكن شفتها بعيني ماقول احد قالي بدل مايصلخ الجلد بيده او سكينه يجيب لي هواء دفع قوي وينفخ لما ينسلخ الجلد صراحه انصدمت يعني لها الدرجه وصلت فيهم يسوون كذا ... وقبل ليلتين من كتابه هالخبر نفس الصديق انسرق منه 13 راس قيمتها بحدود ال 12 الف ريال في اخر الليل انا اتسائل اين مراقبه البلديه من هالسرقات وخصوصا احنا مقبلين على عيد الاضحى تكثر السرقات صديقي تضايق على مسؤول البلديه او بمعنى اخر البلديه بكبرها وانا ابي اقترح اقتراح لعل اي مسؤول او موظف في البلديه يقرى اقتراحي ليش مايكون هناك بوابه رئيسيه للاغنام والابل وتقفل في ساعه محدده من البلديه ويكون هناك حارس بمعنى لو يجي احد يدخل مايقدر او احد يدخل اغنام او بطلع تسجل معلومات بطاقته الشخصيه ولو حصل شي لاسمح الله نرجع لمعلومات اللي دخل بنفس الساعه وبكذا راعي الحلال ينام وهو مرتاح ثانيا : بخصوص اناره السوق مختفيه منذو افتتاحه الواحد يدخل السوق المغرب يحس انه داخل غابه مو سوق وبعض اصحاب ( الحوشه ) موصلين لهم كهرب لحد باب الحوش والبعض مسكين ماعنده واسطه يجلس بولاعه غاز او شمعات وفوق كذا يفرضون عليه تسديد الفاتوره المسكين وثالثاً : شيخ السوق ( ماعمري شفته جاي ) ابي اعرف انا ليش مسمينه شيخ السوق وحضوره بالقطاره توقعاتي لازم نقدم له معروض يجي يشوف مشاكل اصحاب الحلال ويشوف لها حل مع المختصين في البلديه . اسمحولي طولت عليكم لكن هالكلام شفته قلت اكتبه يمكن يوصل للجهات المختصه... وتحياتي للجميع ..
