جرح عميق

يا قاتلي لا يضيق تفكيرك معي
الحرف واضح لكن المعنى دقيق
تدري متى تقنع الى من قلتلك
يوم الغرق شبّيت رغم الما حريق
يوم احترق منّك مشاريه وجفا
والحب بحرٍ سيدي وآنا غريق
والجرح لو ما كان يتنفس مثل
انسان له زفره وآهات وشهيق
ما كنت ابتنفس كذا ابلا وعي
كل ما أحس بداخلي جرحٍ عميق
والظلم في حكيك ظلامٍ والعدل
نورٍ مع ان النور عندك ما يفيق
خلّوني اجحد بالحناجر فالحكي
اسمع ظلامٍ سيدي واسمع بريق
اقسم برب اشباحك اللي مالها
الا عروقي وسط خفاقي طريق
انك تهب، تجرح لأنك فالشعر
عصفٍ ومخلب داخل الجسم الرقيق
يا ليت ربي من حسن وجهك خلق
اجزاء قلبك قبل لا تلقى عشيق
ما كان دمعي قافله تهوي على
خدٍ رسم للقافله موج ومضيق
شيّبني احساسي وهو شايب بعد
كن له تجاعيده وله عودٍ عتيق
وامنت بأنك قاتلي يا سيدي
اقتل مثل ما يقتل الوافي صديق
اطلق رصاصة رحمتك في خافقي
برتاح انا لاصرت من روحي طليق
اللي ضحك للموت في يوم القتل
كانت حياته كلها دمعٍ دفيق