عديل الروح

ودعتك الله معَ توديعي سنيني
قد راح ما راح منها ما بقى باقي
ما باقي الا قليلٍ منك يحييني
طيف تخبى لوجهك داخل أحداقي
دفنتها يا عديل الروح باعماقي
طويت قيد الوصال براحة ايديني
وسلكت درب الرحيل وضاقت اخلاقي
ذبلت ورودي ولا عاده بيمديني
أرجّع اللي مضى وآرتب أوراقي
من عقب ما كنت تسري في شراييني
اصبحت جمرٍ توهج ينوي إحراقي
سقيتك بطهر نوي كيف تسقيني
من جذوة الهجر كاس المر دهاقي
ونظمتك اجمل جزيلٍ في دواويني
واليوم بادفن غلاك وحلل وثاقي
يكفي دخيلك عذابي منك يكفيني
يا سبة جروح قلبي،، لا يا ترياقي