عشرة عمر

أحيان تتبدل مواقيفك عشان
عشرة عمر والا خوي تقدّره
دنيا تقلب ما لها عهد وامان
ونفسيتي من كمّ يوم امكدّره
احوال امتنا ما تفرح من زمان
وصكّات بقعا في الحياة امدمّره
بالدين جوّد كان تبغي لك ضمان
في يوم تبيضّ الوجيه النيّره
والعمر يفنى وانت في دار امتحان
يمر مثل الحلم محد ٍعبّره
ومن يعشق الرفعة ما يغريه الطمان
وارواحنا بيد الاله مسيّره
والشعر له حزه وميقاف ومكان
وعدّه شرف على الرجال الخيّره