عنان الهموم

توكلنا على الله قاضي الحاجات
عظيم الشان رب البيت سبحانه
اله الكون فارج كربة الضيقات
امن الخايف اللي فاقد امانه
ولي العرش عالم حزة الفزعات
يجيب الداعي لامن كثرة احزانه
تحاذفه الهواجس باقيه حسرات
ويسوق القلب هم يجذب عنانه
يطوح صوت وصوته دايم اهات
ولا غير التوجد هايم ينطق لسانه
تذكر في خياله حابس العبرات
زمان قد مضى في عابر ازمانه
طواه العمر درهم كنه الساعات
ويمر الوقت جاري لو صفى دانه
وتزول العيشه اللي كلها سجات
يغرك صافي في زخرف الوانه
تجيك الساعه اللي حالها نزعات
تفطن انت ما تدري عن اعلانه
مسيرك للفنى مع هادم اللذات
ولا يبقى سوى من خيره احسانه
إلهي طلبتك تغفر واجد الزلات
وترحم حالة اللي باحت اكنانه
حمد بن عبدالله الوايلي