عز الأوطان

يا موطني مجدك على مر الأزمان
تسمو ويسمو بالشموخ ارتفاعه
لك راية عليا وتاريخ وأركان
ورجال عهدٍ يحفظون الوداعة
وداعة معزّي لطلقين الأيمان
حفظت بفضل الله وزادت رفاعه
مؤسس التوحيد بادراك وإتقان
تاريخه الحافل يفوق اتساعه
الشعر والتعبير والحق برهان
أعظم ملك عبدالعزيز بقناعة
وأعظم وطن يا موطني أنت وإن حان
واجبك فأبشر بالسعد والبتاعة
من شعبك اللي بيعته شانها شان
ولاة عهدٍ دونه العمر باعه
وأنت الفخر وأنت الذخر وأنت الأمان
العز من ربي زرع بك زراعة
أرواحنا لترابك الطاهر أثمان
في كل عام وكل يومٍ وساعة
أمنٍ وأمان وعز يا عز الأوطان
في عهد سلمان الحزم والشجاعة
الحاكم اللي ما تراجع ولا لان
عن موقفه والأمر سمع وطاعة
وذراعه الأيمن محمد ولا هان
موقف ولد نايف ووسع اطلاعه
تعطي براهين ودلائل ونيشان
إن الوطن بأمان دامه ذراعه
ولا انسى ولد سلمان وجنود سلمان
نعم الرجال اللي تصون الوداعة