سبة عذابي

يكفي تمادى وانت سبة عذابي
تقدر تقول اني من الصبر مليت
عندك حضوري صار يشبه غيابي
وين الغلا دامك عن القلب صديت
مع ذكرياتك صار يرحل شبابي
من عمري اللي رافقك ويش خليت
صارت تضيق من المشاكل ثيابي
كم مرةٍ من زايد الهم ونيت
وعن كل خلق الله صكيت بابي
مافيه غيرك صار له خافقي بيت
ياخوفي اني منك بفقد صوابي
اظهرت من كثر الهواجيس واخفيت
وضحت لك سر القهر في عتابي
ابغاك تفهمني ولكنك اقفيت
عندي سؤال، ومنك ردالجوابي
هو ليه تطعني وانا لك تفديت