كذبة أبريل

ودي أصدق بس ياكذبة إبريل
مافيه شيٍ فيك يمكن يُصدق
تهاوت أحلامي على شرفة الويل
ومافيها شيٍ منّها ما تحقق
كن الزمن حالف يوريني الويل
وحالف عليّ دموع عيني تدفق
هو يحسب إنه لي عقوبه وتنكيل!؟
وآنا جسورة قلب لو ما ترفق
سمو فكري مثل نشو الهماليل
وكل ٍعلى طهر السحابه تشفق
شموخي اللي جاوز الجدي وسهيل
فضاه رحّب بي وكفه تصفق
منابر الشعر الحقيقي لهالجيل
سجلها الحافل لمثلي يوثق
كثروا قلال المعرفه والمهابيل
كن الزمن هذا زمان المطفق
وأنا رفضت الكذب جمله وتفصيل
واللي يشوبه كذب ماهو موفق