لآلئ شعرية

تعال خذني بين أياديك مشتاق
قبل انتفارق حط يدك بيدّي
بجلس معك ساعة حبايب وعشاق
من بعدها كيفك ولو صرت ضدّي
فيني خليط أشواق بأشواق بأشواق
واصل معك من كثرة الشوق حدّي
ودي ألمك واحضنك حضنة عناق
ياشيب عيني كل ما قلت ودّي
في خاطري وش خاطري خاطري ضاق
الكون كله ضاق ماهو بقدّي
حتى الدموع اللي استحت كِبر وأخلاق
تساقطت من فوق خدك وخدّي
لوحة شعر تبكي على بيض الأوراق
بيّحت فيها من ردى الحظ سدّي
ليلة جفا وافراق ما مثله افراق
حاولت أعدّيها وعيّت تعدّي