الشوق

يا هيه انا قلبي من الحب مفتوق
اكتظّ به حزن الوله .. واشتقى به
من يوم هوّن عن غياهيبك شْروق
ما عاد بيّن في غيابك .. غيابه
يا كم تناثرتك على الطّرْس مشفوق
من لوعتي شفني نطقتك .. كتابه
تسبح بحر فكري على كلّ طاروق
ما بين وجد وبين حرّ الصّبابه
ياكثْر ماطبطب على صدري الشوق
يفْتق ضلوعي واستلذّ ارتكابه
وياكثْر ما الْخافق يغنّيك.. واتوق
واجرّ لحْنٍ .. ما تجرّه .. ربابه
خليتني عاقل و فاهي .. ومطفوق
من كثرك بْعقلي .. تفاقد صوابه
شف داخلي يحملك معلوق معلوق
وشف ضيق جوفي متّسع لك رحابه
كنْ تلْتبس دمّي و تاخذك العروق
تلْويّ بك في ما غلاك .. الْتوى به
وكنّك على حدّ الضماير كما الطّوق
كل حيّ فيني بطْش حبّك سطابه
ذي حالتي كنّ الغلا فيك مخلوق
أن ما روى قربك .. فراقك ضمى به
كبْر الغرام مْن السّعه يشكي الضّوق
وشعور مُحْكم .. أرعنتْه الكآبه