نور القمر

الجادل اللي بالحلا مالها قياس
خده كما نور القمر في طلوعه
ترى الحيا متبوع ويجيه عساس
برق الحيا دايم تباشر فزوعه
ينظر بعينه من ورى زحمة الناس
تايه لكن النفس ماهي قنوعه
من خلقته فيه الدلع طبع وحساس
تشوفني عينه وتوحي سموعه
مايلبس الا عقد لولو على ماس
مثل الذهب صافي بشكله ونوعه
ماله حلي وعيونه السود نعاس
يجذب قلوب العاشقين الجزوعه
اثر المحبه كنها حد الامواس
لو يشبع الجيعان يقعد بجوعه
ولهان منّه والمعاليق يباس
كسر الغرام اشلون تجبر ضلوعه
محتار مابين الرجا معه والياس
مدري يجي ويروح ولا قطوعه