الراحلين اللي لهم قدر ومكان ماعاد خلوا فرصة للقادمين لو اني ادري وش الايام كان صبر جميل الله يعين الصابرين لكن ياقلبي على مر الزمان وصيتي ياقلب تحفظ حاجتين لا تفقد الرجوى ولا تضمن ضمان الله ومرنا بالوسط في الحالتين احيان نطلب شي ونمس البطان على طريقه واردين وصادرين ماندري ان جهودنا مثل الدخان والحول والقوه لرب العالمين واحيان نحذر شي من باب الامان ماندري انا غصب عنا واقعين واحيان نخفي شي ظاهر للعيان مخافة اللوم وكلام الشامتين وانا ماحب اسمع كلام الا الاذان الله اكبر من كلام الحاسدين اعظم سؤال يدور ويهز الكيان وين الملوك ووين راح الاولين ياعابدين المال لا فات الاوان ماعاد ينفع مالكم ياعابدين الشمس تحرق كل عود به ليان لكنها تعطي عبر للفاهمين تحرق ولا تحرق زهور القحويان اللي تبختر في رياض الصالحين
