تعال

سرني لاجيت في الليل الطويل
واعتبرني ذبت من حلمٍ خيال
مرني مر السحابه للمسيل
وامطر افراحي على مر الليال
ذكرياتك ماتحط ولا تشيل
غير في قلبٍ يشد الك الرحال
جيتك تاخذ على قلبي مقيل
وفي عيوني لك معزة واحتفال
ان بغيت ترد لأحساسي جميل
خل بين الشوق والثاني مجال
اتنفس عشق وافل الجديل
وارسم اللحظات لعيونك دلال
انثر احساسك على روحي وميل
ميلة ٍ فيها يجاوبك السؤال
يافهد ماعاد فيها مستحيل
لاطراك الشوق ناديتك تعال