وطنّا الله حماه

على شط الخليج اتعانق الفرحه سكون الدار
يهيج اشواقها بسمة ضحوك الفجر واسراره
نسيم الصبح وامواج البحر واللول والمحار
يعانقها على وجه الثرى زهره ونوّاره
مشاعرها قصيده والقصايد مهنة الشعار
وانا اعبّر محبتها وطنها واحمل اشعاره
وطنّا الله حماها ماتولّتها يدين اشرار
ومن فضل الله اللي سلّم امره في يد اخياره
وطنا مايدنّسها عميل الشرك والكفار
حماها الله بحكّامٍ تكيل الشر لأشراره
ملوكٍ بالصراحه والسماحه تبعد الانظار
عن اللي عادةٍ النفس الضعيفه تعمي انظاره
عيال اللي حكمها بالقنا والصارم البتّار
رحمك الله عودٍ يرهق العدوان مشواره
عيال اللي فلا مثله على وجه البسيطه سار
ولا مثله من اللي يشهدون الناس باذكاره
لعل الجنه الخضرا مقرٍ له وبيت ودار
ويغفر عنه غفار الذنوب ويمحي اوزاره