يدفعني الشوق

فتاة نجد .. بطلة مسابقة اليوم للشاعرات .. شاعرة تكتب بموهبة صادقة وعفوية جميلة .. تجبرنا على متابعة جديدها دائماً .==1==
ما للغلا قيمه ولا للشعر ذوق==0==
==0==إلا ليا أعطيناه لأعز غالي
كذا يصير لمنهجه ساس موثوق==0==
==0==وحقيقته منها المعاني جزالي
وأنت بنظر عيني ترى منزلك فوق==0==
==0==في قمة التقدير منزلءك عالي
القلب لك يسوقني بالغلا سوق==0==
==0==يمك ويشرح لك من البعد حالي
تجذبني الطِيبه ويدفعني الشوق==0==
==0==شوق القلوب اللي بها الشوق طالي
يامن غلاك يضمّد القلب ويفوق==0==
==0==كل القصيد وما تصور ببالي
مالي على غيرك مشاريه وحقوق==0==
==0==وبحد ذات إرضاك هو راس مالي==2==
فتاة نجد