تخاريف "أبو العريف" ..!!

@ ابو العريف.. الدنيا صيف.. والحر اشتد.. والجيب فاضي؟
* حدك الكورنيش، ولما تتمشى حاول تتخيل باريس ولندن ويادار مادخلك شر.
@ وصيف الأندية.. والتواعب؟
* الله يسلمك ، ويسلم اللي يحبونك، ترى هالسنة اتحاد الكرة قاعد لهم قعده، حط الدوري قبل كأس فيصل، والشاطر والمنضبط هو اللي بيجمع نقاط من البداية، لان الاندية الكبيرة مالها مزاج تلعب جد مع بداية الموسم.
@ يعني نقدر نقول أن القرار الاخير من صالح الاندية الصغيرة؟
* خذها مني وأنا ابو العريف ، تراني أعرف نجومنا ، بدايتهم صعبة لان اعدادهم ضعيف.
@ ابو العريف.. ايش حال الاتفاق في العربية؟
* اعتقد ان الحال.. !! اخاف يزعل علينا الاتفاقيين.
@ أف.. من متى صار ابو العريف يخاف.. حسبي به يخوف، ولا يخاف؟
* ذاك اول قبل الصيف يالحبيب، اما الصيف وقد طل علينا التزام الادب والحدود والجغرافيا والتاريخ، وايضا الفيزياء والكيمياء.
@ اش دعوه يا بو العريف.. سويتها قصة مالها اول ولا آخر، ترى القضية ما تسوى، وعلى قولة نجوى كرم (ماحد درى بالآخر).
* حسبي الله عليك يا بو العريف.. اول مرة اسمع أن نجوى كرم عندها اغنية (ماحد درى بالآخر) هاذي من عندك هالمرة.
@ الله يهديك عديها، صحيح اذني ما تسمع الا.. !! بس هالمرة حبيت اطور نفسي وأوري الناس اني متطور اسمع لنجوى كرم ، لكن الظاهر اني مازلت متأثر بأغاني اللي في بالي..!
* ابو العريف.. كل عام.. وانت بخير
@ ايش مناسبة هالعبارة.
* علشان أقولك.. كل عام وأنت الحب.
@ يعني تبي تقول لي انك سميع لعبدالمجيد عبدالله.. خلاص عرفنا.. يالحبيب..!!
* خلك مع راشد الماجد واتفاقك، وخلني مع عبدالمجيد واتحادي، والشاطر يفهمها.