كلنا فاقدينه

مرثية في الشيخ/ سلطان بن جهجاه بن حميد شيخ مشايخ قبيلة عتيبه..
==1==
الله اللي طلبته لايذٍ بحماه==0==
==0== من سهوم الزمان ومن تعاذيبه
لاجيٍ في حماه وراغبٍ برضاه==0==
==0== يعلّم اللي حصل ويصير في غيبه
خامس أيّام شهر الصوم ماننساه==0==
==0== قالوا الشيخ غاب وغيبته غيبه
كلنا فاقدينه كلنا ننعاه==0==
==0== من جميع العرب شبابٍ وشيبه
راح أبو فيصل اللي ما لحقنا اقصاه==0==
==0== راعي العلم هو الحلم والهيبه
الكرم والشجاعة من فعل يمناه==0==
==0== والوفا والحميه من مواجيبه
والزعامة مقامه والفعل يزهاه==0==
==0== والذكا والدها والعزم يمشي به
كاسب المرجلة ما خاب من ينصاه==0==
==0== يبذل الجهد من جاهه ومن جيبه
فيه نخوة وفزعه والعمل يلقاه==0==
==0== يوم لا يغني صحيبٍ من صحيبه
فيه تقوى ونقوا فالأمور وجاه==0==
==0== بين وعر الزمان وبين تأديبه
يدري ان ما وطا غيره يبي ياطاه==0==
==0== سنةٍ ماشيه والدرب يدري به
شيخ شمل القبيلة والفعول أشباه==0==
==0== يقرن الماضي بحاضر ويحظي به
آخذٍ من شجاعة تركي ومغزاه==0==
==0== وآخذٍ من دها محمد ومن طيبه
وآخذٍ قوة العفار بين اعداه==0==
==0== شجرةٍ طيّبه والطيب تحري به
رحمة الله على سلطان ابن جهجاه==0==
==0== شيخ شمل القبيلة مقدم عتيبه
يا عسى جنة الفردوس هي مأواه==0==
==0== الله انه على ما قدم يثيبه
==2==
سعد مطلق مرداس المقاطي