جدار البيت

رحت اشتكي لجدار بيت هجرتيه
........لقيت حتى الدار تشكي غيابك
ولقيت عطرك بين قشٍ تركتيه
........كنه يناديني ويرقص هلا بك
ولقيت دفتر من يدينك حذفتيه
........اوراقه ما سلمت من جروح نابك
ولقيت لي برواز صورة كسرتيه
........ولقيت صورتنا على جال بابك
ولقيت سورٍ يا ما فيني وعدتيه
........تصدقين السور يشكي عذابك
ولقيت منظر ما اعتقد يوم شفتيه
........قلبٍ جريح ينادي منهو غدى بك
ولقيت نور البيت يبرق نسيتيه
........منور واحسه يا حياتي انطفى بك
ولقيت جارك يمسح دموع تكويه
........ساعة لقاني قال همه عتابك
ولقيت شارعكم به هموم تكفيه
........كنه من سنين مضت ما التقى بك
ورجعت فيني قلب ما يوم خنتيه
........بس الزمن خانه وقرر غيابك
فهد الهاجري