الأحباب

كريم يا برقٍ سرا له رفاريف
عليك يانجد العذيه تحدر
يسقيك من غر المزون المراديف
نوءه عليك من اول الوسم بدر
مزنه مثل صم الجبال المهاديف
الى شمخ مزنه عليك تندر
يذكر على دربه سنه مطلع الريف
نفحة هوى نبته يفيد المجدر
تجمع به الدنيا قلوب ٍ مواليف
من واجه الاحباب معهم تخدر
ريحة هوى نبته عليهم هفاهيف
كن البخت شيٍ عليهم مقدر
طلع الزبيدي في سهاله مشافيف
الى برز فوق الطبيعه تفدر
تحتار في وصفه عقول العواريف
يشفي الصدور اللي صفاها تكدر
من حب نجد اشرب بكل المغاريف
مهوب حب اللي نهل ثم صدر
عسى السحاب اللي قنوفه مراديف
الى تنثر فوق نجد يتحدر