التعليم تعبان

بالله يا جماعة اقرؤوا هذا الحوار بين معلمين لمادة الإنجليزي.. وبعدها قولوا لي لماذا نشتكي من سوء التعليم عندنا؟
إيش فيك يا أستاذ جالس تكلم نفسك؟ أنت طيب؟ تعبان أشيلك للمستشفى؟
لا الحمد لله ما في شي؟
أجل إيش فيك؟
يا أخي الطلاب.. تعبانين!
تصور يا أخي، طالب في ثالث ثانوي ومو عارف يكتب اسمه بشكل صحيح؟
لا وخذ الكبيرة: قومت طالب وطلبت منه يعد من واحد لعشرين (بالإنجليزي طبعا) ووصل (Elven) وبنشر! مو قادر يكمل وبدأ يلخبط !
لا تزعل نفسك يا أخي، المشكلة مو مننا، المشكلة إن المدرسين في المتوسط ما علموا الطلاب صح.
والله إنك صادق، يعني بالله ثلاث سنوات إيش جالسين يسووا المدرسين معاهم؟ ما أدري!
طيب والحل؟ إيش نسوي يعني؟
ولا نسوي ولا شي... أصلا مهما سوينا ما في فايدة.
والله إنك صادق، لأن الطلاب كدا والاّ كدا ماراح يستفيدوا..
أنا قررت، إني أمشيهم في المادة، وبلاش أتعب نفسي معاهم بدون فائدة... راح أديهم على قدهم.. واللي قبلنا يتحملوا المسؤولية.
تصدق أنا راح أسوي زيك..
عرفتم السبب؟