كان بيت الأسبوع الماضي من حمد عبدالله الوايلي من حوطة سدير ويقول: فكر الجهل أبعد عن الدين الاسلام وفي سبّته راحو شباب العروبه وكان صدى البيت من الشعراء: اهل التطرف والمشاكل والأوهام والحرب تخدع كل نفس طروبه نبكي شباب غرّها سود الأقلام من راح منهم منتحر ما دروا به يا شعبنا ياهل المعرفه والافهام كونوا على الدين الصحيح ودروبه هيئة كبار العلم تكفون قدام حكامنا درب الشريعه مشوا به علي رشيد الرشيد-رياض الخبراء دينٍ سماوي مابه أضغاث وأحلام من هو يريد العزِّ يسلك دروبه دينٍ به الرحمه وبه وصل الأرحام فيه العدل ميزان أجر وعقوبه كم شوَّهَوْ صورته جهال وأزلام كم واحدٍ في غَيِّهم غرُّروا به واجب نِبَيِّن منهجه عبر الإعلام ظِلْمٍ يِلَبَّس ملبسٍ غير ثوبه ناصر بن جمعان آل عوض - وادي الدواسر الدين واضح صالحٍ كل الأعوام فيه المعاني وافيه والمثوبه دستورنا القرآن بين بالأحكام العنف مذموم ويجلب عقوبه كم نفس راحت والسبب فكر الاجرام سبة جهل بالدين فكر معطوبه يحرم قتال النفس بالدين الإسلام كم جاهل يعطيك فكره كذوبه عبدالمحسن بن محمد المحيسن- رياض الخبراء فكرٍ يقوده كل هاوي للاجرام ومن طاعهم قلّه يحسّب ذنوبه عقوبة منها ليا طاح ماقام يطلى مثل طلي الجرب في جنوبه وفي الآخرة عقوبته نار ولجام عليه من ربي أشدّ العقوبه واللي يحسب الدين بايع وسوّام الدين دين الله ولا هوب صوبه مشاري بن محسن الغربي - الرياض ياللي تبون العلم يا رجال يا كرام ترى طريق الحق كلن يجوبه واللي سعى للدين فالخير قدام ومن طاوع الشيطان تكثر عيوبه ومن طاع ربه ياهنيه ومقدام الله من الخيرات ويمسح ذنوبه ومن راح داره حظه اليوم ما قام والشور واجب قبل يضرب دروبه محمد عبدالعزيز الخنيفر-أشيقر فكر مريض به خرافات ووهام خيّم عليه الجهل بكامل ضروبه نتايجه قتلٍ وتفجير وآثام وجيلٍ مزعزع للأمن في شعوبه خدعة ربيع ضيعت كل الاحلام خطة عدو مُتقنه ومحسوبه جرت على الإسلام ويلات وآلام وحْيَتْ عداوه نايمه ومحجوبه عبداللطيف الحُمَيَّانِي - عنيزة الجهل طبه في ميادين واعلام كم جاهل تايه وضيع دروبه" العلم نور قاله اللي به افهام والجهل بانت للخلايق عيوبه" احذر من الجاهل ولا تسمع اوهام كلٍ يشيل من المعاصي ذنوبه" واحفظ عيالك لا تسمع لمن لام ياهو امانة عندكم وارفقوا به" عثمان ابراهيم الرشيد- الرياض يالله دخيلك من براثين الآثام وتقى بلطفك كل غرً غدوبه حلو العسل في نهجهم كذب وأوهام كم جاهلً في خلطهم غرروا به سم الزعاف من دسهم تحت الاسلام والدين يسر وليتهم يعملوا به فكر التطرف ما عرفناه من أعوام فكراً خبيث واجدادنا ما حكوا به خالد بن عبدالله بن حمد الصفيان-الرياض يا جاهل بالدين فالوعد قدام هذا غرير وبينات عيوبه خلك فهيم وانتبه وشد الحزام والدين ما يخفى ولا هو لعوبه واللي على هالحال للخير هدام ضيع دروب طيبه ومحسوبه لا تصير جاهل ولازم عندك إلمام وافهم وشاور قبل تضرب دروبه ريان محمد الخنيفر-اشيقر احد مشا جنوب واحدن مشا شام واحدن يطاوع للعدا ولعبوا به ياطالب الجنة على حساب الايتام ما افتي واظنك تستحق العقوبه جهل وغلو وفعلكم فعل الاجرام يابعده من الصح دربن مشوا به ماكل منهو يدعي العلم علام كم واحد عقب الدروس بلشوا به غنام مسعود القريني- نعام بيت الاسبوع يكتبه اليوم الشاعر مشاري بن محسن الغربي من الرياض حول موضوع بر الوالدين واهميته ومدى توفيق الانسان حسب بره ويقول: مايشاف الرجل بالعين الوسيعه لين يظهر رحمته في أبوه وأمه نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ومن الشعراء بطرح بيت الاسبوع حول اي موضوع
