كان كاتب اللغز الماضي الشاعرصلاح اليابس من الدمام ويقول : اللغز سويته ترى الحل بنتين وأنشدك عن رجلين تطعم وتنذاق واحد مع أهل الكيف مبطي من سنينِ وواحد قسم به ربي قسام الأرزاق إلا كتبناهم سوى بان للعين بنتين ما يحتاج يا عذب الاذواق وقد توصل للحل شعرا : في صفحة خزامى فكر ناس هاوين واللغز مكتوب على بيض الاوراق صلاح .. لغزك باينٍ .... للنبيهين التين ...بالقرآن ....والبن ينساق والحل بن... وتين ..شفته بشطرين ومشافه إلا من ... تركد له أوراق احمد السمحان - الزلفي صلاح فالالغاز خبره وتمكين وحنا لهلغاز نطرب ونشتاق حل اللغز تراه بِنٍ معه تين سجلته بحبرٍ على بيض الاوراق عبداللطيف الحُمَيَّانِي / عنيزة انته ذكرت البن والاحقته التين ذى رمعتي بنقد ما فيه مفهوق انته ذكي به ناس مثلك ذكيين انا على حله ترى هزني شوق المرسل سعد صنهات السهلي /الدرعيه سلام يا اليابس ومرحب ملايين الخير من طبعك وللجود سباق البن الأول ما يبي زود تبين والتين ثانيهن ترى القول مصداق علي رشيد الرشيد-رياض الخبراء صلاح لغزك جاك حله ابيتين القسم الأول بن للتين سباق في كلمة سميتها قلت بنتين والقسم الآخر تين للحل ملحاق طلال الرشيد- الجبيل يامرحبا بنسل الرجال الميامين باللي بدع لغز جميل وبراق والحل بنتين هم البن والتين جاك الجواب اللي كتبته بالاوراق احمد بن ناصر المحرج/الرياض صلاح لغزك وارد بسورة التين والبن لأهل الكيف طيب وينذاق واليا كتبت البن والتين بنتين لقيت حل اللغز يوم الفكر راق محمد أبودحيم -البدائع صلاح جاب اللغز في وسط بيتين متصفحه مضبوط من بعد الاشراق وصلت حل اللغز واعطيك تبيين الكيف قهوه دقها وأنت مشتاق البن معروض في وسط الدكاكين والتين معروف وعند أهل الأسواق عبدالمحسن بن محمد المحيسن/رياض الخبراء حييت ياخوي تحية هل الدين تحية لك تاصل كل الا فاق هو بن امبهر مع هيل زين وتين فاكهة تعجب المشتاق صالح السنيدي/الوشم خذ حل لغزك يبن يابس ببيتين بعد التحية عد مالاح براق والحل انا رمعته البن والتين بنتين بالتشبيك رجلين بفراق عبدالعزيز الصالح --حائل كما توصل للحل نثرا عبدالدايم سليم العوفي الحناكيه عيسى الحربي سقط سهوا الاسبوع الماضي حل الشاعر خليف فهيد الحربي من الرياض و نعتذر له لغز الاسبوع يكتبه للصفحة الشاعر محمد بن جروح الصقري الشمري من التربية بحائل ويقول: انشدك عن رجل مهم سكن جال تشوفه بعينك قبل مايمسي الليل يفرق على غيره مثل فرق الاجبال وتروا سميه مجمع للرجاجيل والحمد لله بدل الحال من حال عن وقتنا الاول وقل المحاصيل وكما نلاحظ ان المطلوب حله هو الرجل ومن هو سمي له نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
