دام عزك يا وطنا على طول السنين

الوطن غال علينا وله قدر ثمين
دونه الاعدا ترانا نجدد غلها
دام عزك يا وطنا على طول السنين
ودام عز ملوكنا اللي يظلل ظلها
دارنا لدار الرسالة ودار الصالحين
مكة وطيبة بلدنا وحنا اهل لها
ديرة افضل من وطا الارض خير المرسلين
نحتميها لو الانفس تروح فداً لها
وقبلة المسلم وطنا وحنا مسلمين
ونفتخر يوم انتسمى بخدام لها
يا وطنا دون حدك ترانا جاهزين
القنابل فوق راس العدو انهلها
افهم التاريخ يا راعي القلب الفطين
يوم وحد مملكتنا الحبيبة كلها
الامام اللي بنى مجدها دنيا ودين
وحد الدوله معزي وهو عز لها
ودام عز ابطالنا اللي لها درع حصين
الرجال اللي حموها وهم سور لها
الرجال اللي يصدون عنها المعتدين
يستحقون البطولة وهم كفوا لها
علم اللي ما درا انا لنا القاسي يلين
وش فعلنا يوم جار الكويت احتلها
دارنا ما هي بلعبة لعبث العابثين
دارنا تكرم عن النجس ما يحلها
ومن تطرف مع اهل الشرك والمتطرفين
ما جزاه الا سيوف عليه انسلها
الوطن حبه وقدره حتين الوالدين
نعتبره ام حنون حسين دلها
ولا يخون بلاده الا عصاة خاينين
مثل خاين صحبة امه وهو ابن لها
والسلام ورحمة الله تعم الحاضرين
ودام عز ملوكنا اللي يظلل ظلها