شهر نحبه ونغليه

هليت ياشهر نحبه ونغليه
شهر رمضان الله يكرر مداره
يا زين أيامه ومحلا لياليه
نشوف فيه الخير عم انتشاره
يكفيك شهر الصوم لا حل طاريه
يسعد نفوس الناس في كل حارة
والمسلم اللي طاهرات مباديه
عنده كبيرة قيمته واقتداره
اللي تصدق يكتب الله حسانيه
يمناه تبذل ما تطالع يساره
واللي قرى القرآن طابت معانيه
مضمون حرفة يهتدي للبشارة
والصبر يدرك ما يصيبه ويخطيه
مهما صفت لا بدّ ها من مراره
يا رب وجّهنا على خير توجيه
واقبل صيام اللي تسيِّر مساره
حسن العساف