كان اللغز الماضي للشاعرمقرن بن متعب الهرف من الرياض والذي يقول: أنا بنشدك عن بنتٍ مع الرجّال محبوسه صغيره دامها وسطه كبيره لا ظهرت منّه على من هو لبسها يتّبع خطوات مدروسه يجوّد في عنان البنت فاهم شكله وفنّه وقد توصل للحل شعرا: طلوع البنت في لحظات محسوبه ومحسوسه من ايدين المظلي طايراتٍ فوق يرمنه تكبر لا نزل ومن الهواء تلقاه ممسوسه يوصل وبسلام الأرض ورجوله يشيلنه احمد بن ناصر المحرج - الرياض سلام الله عليكم عدد رمل البر وطعوسه وعداد من لبى على الاسلام والسنه لقيت الحل يامقرن على الابطال ملبوسه مظلة تحمل الرجال وحباله يشدنه علي الرشيد - رياض الخبراء انا اقول المظلة حل واللوحات مدروسه مظله حل لغزك والخطر هو وارد منه اليا هب الهوا يمكن يصير الخوف والحوسه لو قلبه يامقرن صلب ترى الارياح يرمنه محمد ابو دحيم - البدايع - سلام الله على مقرن سلام زان ملبوسه عدد ماهل همال من الامزان هلنه يجيك الحل بالايميل والرمعات محسوسه مظلة شالها رجل صقور الجو شالنه طلال الرشيد - الجبيل - اناقلت المظله للمظلي لبس ملبوسه مظلاتٍ خفيفاتٍ لكن الرجل شالنه تراها حاجةٍ يا صاحبي بالفعل ملموسه خفيفات الوزن ورجل شالنه وحطنه سعد صنهات السهلي- الدرعية لغز الأسبوع يكتبه هذا اليوم الشاعرأحمد مرعي الشهيل من الدوادمي ويقول: أنشدك عن عذرا بلونين وألوان تشرب وتاكل وأكلها من نباتي فيها من أوصاف البشر فم ولسان وتصحى وتنوم وله حزة سباتي لاشك أخوها العود يامر ببرهان تسمع كلامه دوم علمٍ ثباتي نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار إحدى الزاويتين.
