عواكيس

* السيد معوكس ما هي أسباب تراجع مستوى ذلك الفريق في آخر مباراة له بالكأس؟
عبدالله المطيري - الكويت
- المفاطيح والاجازات الاضطرارية!
* العزيز ابو العواكيس وشلون بارك الله فيك تبت لجنة الاحتراف في موضوع العنزي.. وبحكم انك مستشار قانوني رقم واحد هل ذلك من صلاحيتها؟
راشد الدوسري- الخبر
- مستشار قانوني والشهادة دبلوم كني عميد...!!
* والله جديدة على ملاعبنا يامعوكس.. حكم مطرود يطالب آخر بالاعتذار لأنه قال ان الهدف اللي سجل في مرمى فريق "المطرود" صحيح.. حلم والا علم ووين اصحاب القرار ما يعالجون المهازل؟
يوسف العنزي - تبوك
- المهازل اللي وراها الداعم الخفي!
* استاذ الاعلام الرياضي معوكس.. وش تفهم من اللي بس يرقص بعض المذيعين ويمدح فيهم قدام الناس.. واذا جلست معه قام يحشهم وانهم متعصبين لفريق معين؟
سعد الشهراني- ابها
- ماتحتاج فهم.. يعني استضيفوني!
* تحياتي لك يامعوكس: كيف يطالب جلال بعدم الضغط على الحكام، اللي نفهم ان طرده للدوسري كان بسبب الضغط؟
فهد العمري- الرياض
- للدوسري والفريدي وبعدين يشوف خويه ابوعجراء وتغريداته ويعرف الجواب!
* معقولة رئيس ناد مغمور (قصدي هذا الرئيس) يتطاول على الكبار وتمر اتهاماته مرور الكرام.. وين النظام ووين الحريصين والغيورين على انديتهم من محاسبته وايقافه عند حدة؟
صالح الفهد- الرياض
- الغيورين أهم شي مايطولهم شي والسياحة في لندن!
* الى صديق الجميع معوكس.. بعض اللاعبين تطلع لهم بين فترة واخرى مباريات واهداف ماندري عنها.. ليش الدعوى تقسيط والا تمرير والا ضحك على الذقون؟
خالد العازمي- الكويت
- ضحك على السكسوكة !
* الاستاذ معوكس ما رايك بكثرة المحللين من ناد معين في قنوات متعددة اذ لم نراهم بهذا الظهور منذ عقود كثيرة.. ومارايك بالتحكيم الاجنبي في ملاعبنا؟
ابو نايف- زائر حي المصيف
- وانت الصادق كثرة المشجعين اللي زاحموا الرابطة على عزايم الاستراحات والمخيمات!
* حبيب الكل معوكس وش تتوقع لمباراة النصر والاتحاد؟.. بالنسبة لي اعتبر النتيجة محسومة سلفا للعالمي وبالتالي الاقتراب من ملامسة ذهب الدوري؟
النصراوي- بدر الرشيد- الرياض
- محسومة والبركة في ابوجدولة المستحقات اللي لعبها وضيق على القروني وسلم لي على الدعم القوي للمدرب الوطني!
* وش رايك يامعوكس بالمذيع اللي يقول ان الاعلام يؤجج الشارع الرياضي.. طيب ليش مايعلم نفسه وانه هو اول من يؤجج وان طريقة دخوله للاعلام تستحق ان نضعها بين (الاقواس)؟
طرقي العنزي - عرعر
- أقول ياشين التقليد ياطويرق على باله يسويها اثارة وهي بثارة واللي صنعها بثر!
* الرجل الملوسن معوكس ما الحل في انقاذ سمعة الكرة السعودية ومستواها المتدهور.. نأمل ان يكون ذلك قريبا؟
سلمان الناصر- الدمام
- الحل بالحل السريع قبل وقوع الفاس بالرأس!
* متى تقول يامعوكس انا لها وتنظف الاعلام من بعض (المراسلين) اللي فشلونا وشوهوا سمعة الاعلام الرياضي؟
عبدالله الراشد- بريدة
- حاضر قضبنياها وأبشر بسعدك وسعد أعلام الوطن لأبدأ بالبرامج وأرجع المهايطية للمدرجات!
* ابوالعواكيس معقولة مدرب الاتحاد الوطني يقود العميد في الآسيوية باسم الوطن وفيه من ينكد عليه ويضايقه ويشتغل من تحت حتى اتحاد الكرة طلع ضعيف والمشكلة كل هذا علشان ثلاث نقاط؟
على باسندوه-جدة
- وماخفي كان أعظم حتى لجنة الحقائق وقتت لنتائجها يعني الفوز جاي ..جاي يالغالي!
*عكوسي تكفى يالمحلل الفني جاوبني وش رايك بلاعبي الهلال قدام سباهان واندفاعهم يعني لازم يسجلون عشرة كلهم برا ملعبهم قدام وآخرتها خسارة ماكانت على البال؟
أحمد الحمد- بريدة
- ولا على الخاطر والله يذكرك بالخير يابودعيع !
*الغالي ابوالعواكيس: ودي أرسل إعجابي لنجوم الزلفي طواحين نجد يازينهم وزين لعبهم متى أشوفهم في دوري جميل؟
على العبدالمنعم-الزلفي
- يستاهلون بس قبل جميل لازم يمرون على ركاء يالحبيب!