يادار أنا بنشدك هاتي علومها

صور شاعرية

وقفت في دارٍ دوارس رسومها
دارٍ لأهلنا ما ترد جواب
وقفت أنا فيها أحاكي طلولها
شفت المنازل غادياتٍ خراب
يادار انا بنشدك هاتي علومها
هاتي خبر من قدِ نِزَلْك وْغاب
ردّت عَلَي الدار باحت كْنونها
منطوقها خلّى الضمير أنصاب
تقول أهل لك تقافت ظعونها
ناسٍ غدوا تحت التراب تْراب
هذي نخيل الدار هذي اثولها
وقلبانهم وأيضا مواري أشراب
هذي منازلهم قديمٍ نشوفها
قدّام عينك ما ترد .. جواب
شعر - أحمد بن محمد الحمدان العضيدان
رحمه الله -