نبكيك يا راعي الفعول الجزيلات

يالله يا رفاع سبع السماوات
منشي السحاب وفيه برق ورعيدي
اقبل دعايه يالولي كل الاوقات
محيي الهشيم الميته والجريدي
ترحم مليك راح من ضمن الاموات
في جنة الفردوس يوم الوعيدي
نبكيك يا راعي الفعول الجزيلات
راع المواقف والعلوم الحميدي
لك سيرة ما بين صوله وجولات
كل الدول تشيد فعله تشيدي
اسمك مسطر باقي بالسجلات
بقلوب شعبك ثابت ما يبيدي
احزان قلبي دق به تسع دقات
والعاشرة دم عرق الوريدي
والحادية هلت ادموعي غزيرات
ثاني عشر بنعاك لو بالقصيدي
عسى العوض في راس راعي المهمات
عبدالله اللي خلفه من جديدي
مليكنا حلال كل الصعيبات
لا كادت الكيده بفعله يكيدي
يرسي كما ترسى الجبال الطويلات
مثل الجبال الراسية ما تحيدي
يحب شعبه كلهم بالمساوات
يا عزنا يا ظلنا بالشديدي
وولي عهده أبو خالد بالإثبات
كل على فعل المعرب يشيدي
يا جامع الثنتين كل المهمات
جمعتهن ياسيدي كالرصيدي
الله يثبتكم على الحق بثبات
على الولا والعهد والله يريدي
يالله يا محيي العظام الرميمات
احفظ لنا حكامنا ياعضيدي
ختمتها باسم على جملة أبيات
في العزاء وحكامنا من نشيدي
ما قل دل وقلتها بالعبارات
كثر الكلام يذوب مثل الجليدي
كريم هضيب العنزي