رحّب ليا جاتك وجيه المسايير

وفل الحجاج ودن مالكيف فنجال
فنجال خولان وصبه بتقدير
لهل الوجيه الفالحه عز وجلال
وظهّر على وجهك جميل التعابير
ورحب بضيفك وسمعه زين الاقوال
وقدّم له الميسور دون المعاسير
مما حوى هالدار في كل الاحوال
فالضيف له حقٍ وحشمه وتقدير
وله منزل ما يشبه الكل منزال
الضيف ضيف الله وفي مقدمه خير
يفرحبه اللي مجلسه دوم مدهال
رجل على شوفه يسوق التباشير
لوكان جيبه مايحصل به اريال
فياوجد حالي يا رجال المناعير
اللي لهم بيبان ما تعرف اقفال
محمد عبدالله الشهراني