عقبال يارب مانفرح بشوف الربيع

الحمدلله رزّاق البريه جميع
اللي رزقنا المطر من عقب طول انتظار
عقبال يارب مانفرح بشوف الربيع
عقب المحل تنقلب كل الخباري خضار
والعشب يطلع ويرعى منه ذود وقطيع
خيرٍ يفرّح جميع الناس في كل دار
في ديرة آل السعود اللي لها مانبيع
ومن دونها مرخصين ارواحنا والعمار
والشكر لك يامجيب اللي دعاك وسميع
علّام مابالقلوب اسرارها والجهار
وحنا لاوامرك يارحمن دايم نطيع
راجين جنّات عدن ابلا عذابٍ ونار
ان كان وفّقتنا للخير والا نضيع
انت الغفور الرحيم بليلنا والنهار
واختام قولي صلاةٍ للرسول الشفيع
في حزةٍ مابها عن وجه ربي فرار