نعطي ولانا لبومتعب مطيعين

الله يا علم نبا يوم الاتنين
تفجعت منه القلوب القويه
تفجعت منه الملوك وسلاطين
وتفجعت منه العروبه سويه
موتت فهد أبو اليتامى المساكين
وأبو الضعيف اللي حواله رديه
يا الله يا منزل تبارك وياسين
تنجي ملكنا من جميع الخطيه
أنحمد الله أخوان نوره عزيزين
آل السعود أهل الوفاء والحميه
آل السعود اللي على العسر والين
زبن الدخيل اللي عليه القضيه
أل سعود اللي على الحق ماشين
صفوة هل العوجاء رجال الحميه
عندي على قولي دليل وبراهين
أديارهم ماجت لبوهم هديه
حامينه من دور مقرن لها لحين
حامينه الياما تواست سويه
ما قلتها قصدي أدور الملايين
قصدي وفاء والله شهيدن عليه
ونعطي ولان لبومتعب مطيعين
أرواحنا لخدمة ملكنا هديه