رغم قساك حنونه

وين الخفوق اللي غمرني حنانه؟
وين السحاب اللي سقتني مزونه؟
يامقفيه عن الحبيب ومكانه
الى متى تبين .. ذودة غبونه؟
عقبك شكى قلبي مصايب زمانه
وجتني بلاوي.. غيرهاك النمونه
ماعاد فيني للمسرات.. خانه
ولا عاد لي على المسايير.. مونه
ماغير اهوجس بالزمن وامتحانه
وبها لهيام اللي كوتني شجونه
يا العشقة اللي رغم مافيك.. دانه
يا القسوة اللي رغم قسيك.. حنونه
أنتي سويدا القلب.. وانتي كيانه
وأنتي.. هبال العشق.. وانتي جنونه