حالة حزن عمت بعيدين وأقراب

يارب يامعبود يارب الأرباب
اجبر عزا المملكة في فقد نايف
فجعة غيابه شتت كل الألباب
والقلب مفطور ودمه نزايف
حالة حزن عمت بعيدين وأقراب
فقيدنا اللي راح ماله وصايف
الله ياكبر الخبر أواه ياعظم المصاب
اللي رحل شيال صعب وكلايف
ستين عام ومجلسه مشروع الباب
حر تعلا شامخات النوايف
بالحلم ساس الناس يُخشى مايهاب
وبالحزم مامضي العزم أمن كل خايف
غاب الأسد يالسنة مهيوب الجناب
ابوسعود الشهم ماعقبه حسايف
ويالله عسى الفردوس سكنى ومآب
يامارويت اكبود عطشى لهايف
صبرك يابو متعب عزيز الوطن غاب
ياعل ذكره في عظيم الصحايف
قلوب شعبن معك تفداك الأرقاب
ياسيدي اقبل عزانا بنايف
ترثة أخو نوره عمود وأطناب
من فضل ربي عاض سلمان بنايف
يارب يامعبود يارب الأرباب
أجبر عزا المملكة في فقد نايف
طلال بن عبدالرحمن بن حزيم