ظل السحاب

ياعيوني بعد فرقا الزهر والغدير
وش تقولين في شوف العطش والسراب
في رمال الفيافي تحت وهج الهجير
من خطاه الظمأ. ما دل عين الصواب
انبلج في سمايه وجه بدر منير
ومن غبايه قعدت اراقبه لين غاب
السنه راحله والورد عمره قصير
واسرع الظل فوق الارض ظل السحاب
لو تحقق من الصدفه حكاية مصير
جابت الريح ريشه من جناح الغراب
افتقدناك والفرقا تهز الضمير
خص فرقاً يصير الصمت فيها جواب
حل بعدك ولا أدري عقبها وش يصير
مير طبعا وجود الموت قبل العذاب
طفت فوق الخيال. وشفت خلق كثير
لين بان الصباح ومفرق الليل شاب
واعرف اني مشيت وخذت منحاً خطير
وكل شمع يطوّل فوقه الجمر ذاتب
اقفل الباب واقرأ الكتب فوق السرير
مير أولي معك حتى يطيح الكتاب
كل مالاح برق وفاح نفحة عبير
اتخيلك حتى ينفتح عنك باب
المحك في كفوفك وردتين وحرير
وابتسامتك فيها كلمتين عتاب
مير ما ينثرك بالشعر عبر الأثير
من يوصيك بالحشمه ولبس الحجاب
ماشعر بالحمامه غير قلب الأسير
ماشعر بالمها الجافل وطول الرقاب
خالد البقمي