أذكرك يالوعتي

الخاطر اللي يروق إن جاك ياجده
وينسى همومه وينسى كل الاتعاسي
كم مرة أحاول أناسيه وأصده
وأقول ناسي لونه ما هو بناسي
هويت بحرك وعاشق جزره ومده
وعلى ضفافه بعمق أتنفس أنفاسي
وهواجسي كنها هجمات مرتده
يقودها كبتن(ن) حريف وأساسي
لاقداها ينعش الجمهور ويشده
وجمهور نده يصك أخماس بسداسي
لاجيب للساحل الغربي بعد مده
أذكرك يالوعتي ياقمة إحساسي
يلي أعصابي بعد فرقاك منهده
ومالي جدى غير أجامل نفسي وناسي
يا شبه شقراء تحد الخيل وترده
وفي كل جوله تحقق رقم(ن) قياسي
وياعينها عين فرخه في حراء الهده
شيهانة(ن) باسها يطغى على الباسي
حبل الوصل يمها كم لي وأنا أمده
يالله تحنن عليّه قلبها القاسي
تركي بن مدعج