بيعة ولا منا توثق بالأشعار

في يومك يا الوطن تورق أشجار
وينبت على أرضك من الشوق وسمي
تزهر ورود الحب وتزين الاشعار
واجدد البيعة لابويا وأمي
بيعة ولا.. منا توثق بالاخبار
والفعل يثبتها قبل صوت فمي
واللي حكى عن مملكة عز الاقطار
عن ديرتي عبر الفضا صوت وهمي
وش له بتمرير الفتن عبر الاقمار
وشبه حريص يموت أمني وسلمي
مني كلام ياصله سر وجهار
وثيقة تشهد على صدق فهمي
يبشر بعقل لاسمع شار واختار
ويبشر بموته يوم يأتيه علمي
المملكة أمي وأنا ابنها البار
وأبوي أبو متعب وسلطان عمي
نايف ذراي بوجه بوقات الاشرار
وسلمان سيف الحق قتال همي
يا دارنا حنا لك دروع واسوار
مكانك أعلى من حديثي وحلمي
ويا دارنا حنا على عهدنا صغار
للشيب والعهد يتناما بدمي
يسري بشريان الغلا طول الاعمار
أموت اموت ويسقي الأرض دمي
ما ينتقض عهدي ولا ترخص الدار
أزيد عشق ويرتفع فيك سهمي
فهد بن محمد الحمدان