قدومك خير ياشهر الفضايل

قدومك خير يا شهر الفضايل
هلا يا مرحبا بشهر الفضيله
هني المسلم اللي فيه نايل
ثواب وخير في أيامٍ جليله
يعبد الله في فرض ونفايل
ويكثر من دعاه بكل ليله
ويقرأ محكم التنزيل قايل
إلهي طالبك ظلٍ ظليله
وكل أجر يضاعف بالمثايل
موسم أجر يرفع من حصيله
وعتق فيه من نار الشعايل
عقب دنيا الفنا ما هي مطيله
وتحرى ليلةٍ فيها مخايل
فضايلها تعدت كل كيله
ورحمة واسعه ترحم ذلايل
ويغفر ما تقدم من فعيله
ويوم الدين فرحة كل سايل
جنانٍ بابها صومه دليله
وشقي الحال اللي فيه مايل
خساره ما يحصل كود ميله
سألتك يا من إليك الكل آيل
تقبل صوم كل مسلم وتهليله
وتعيد الشهر في سنينٍ بدايل
بدين الحق ما نرضى بديله
وصلاتي عد ما سالت مسايل
على خير خلقه مع خليله
حمد عبدالله الوايلي