المثايل للعوارف كما وصف العسوس

المعلم ما يكفي بتعليم الدروس
كون دورات الليالي وبعض دروسها
والمثايل للعوارف كما وصف العسوس
ما يقود لنية العرف كون عسوسها
والرجال أهل الوفاء تنعرف والها نفوس
مثل ما قالوا نفوس الحرار انفوسها
والرصيد الدين والعز ما غيره لبوس
هو غذى النفس العزيزه وهو ملبوسها
والخضوع يحط في سمعة الرجال سوس
لاومرها بالمذله كلاها سوسها
علم اللي يصغر النفس من شان الفلوس
يحسب ان الناس بتكبره بفلوسها
والبشر تفنى ومن طاب يبقى له ارموس
وطيب طاريها يجدد قديم ارموسها
ما تساوى بينها بالطبايع والجنوس
تختلف بطبوعها واختلاف جنوسها
فرقها بالفعل فرق العدود امن الرسوس
تنعرف من غزرماها وضعف ارسوسها