شعبك يردد مرحباً عد الأمطار

يامرحبا من قلب وأحساس وشعور
شعبك يردد مرحبا عد الأمطار
ياخادم البيتين ماجور ماجور
من كل بأس آمين ياسيدي إمجار
الشعب في غيبتك ماهوب مسرور
سؤالهم عن حالتك ويش الأخبار
شعب يحبك حب من مشة الزور
غريزة في قلوبنا اصغار و كبار
وشلون مانسأل عن اللي لنا سور
مليكنا ابو الشعب العادل البار
اللي ما خلا الشعب يلحقهم اقصور
في هيبته عشنا عزيزين وأخيار
في غيبته يفقد سما بلاده النور
اظلم سمانا يوم سافر من الدار
بدر الوطن كلن ترقب له شهور
عودة ملكنا عيد للشعب والدار
اشهد شهادة حق تبرا من الزور
لو العمر يشرا فديناك بأعمار
لكن لابد العبد يرضى ومجبور
باللي كتب ربي من احكام الأقدار
والحمد لله والثناء منزل الطور
عفا ملكنا من صواديف الأشرار
على سلامة طيب الذات والشور
حرا مجانيّه مواكير الأحرار
صقر العروبه مايحاليله اصقور
صقرٍ مايشبك في شبابيك صقار
حرا مخاليبه تعشي هل الدور
له هدة يشبع بها كل من سار
سوً على خرب الحباري وممرور
الجول لاشافه اليا حام ماطار
يمنا ابومتعب مدته ترجع دهور
عطايمينه لا عطا عم الأقطار
شخصيتك ياسيدي خير منظور
ملك ملكت قلوبنا سر وإجهار
وأبشرك يدعي لك أشياب وابزور
كل يابومتعب لهجلك بالأسحار
الله يقبل ما دعو به على الفور
يابو اليتاما والأرامل وقصار
الله ينصر بارق العز منشور
في ظل ابو متعب ذرا الدار والجار
واخوانه اللي له كما صف طابور
اعضوده اللي له تعنز اليا احتار
حكامنا ال سعود و ابليس مدحور
ومدحور من ينوي لهم كيد وأشرار
حمود بن فالح بن حسن الخنفري