فرحة وتجديد عهد

اشمخي يادولة التوحيد ميلاد الصحابه
عانقي نجم المجره فوق حد الجاذبيه
تحت حكم اللي حكم بالسيف وموثق كتابه
ابو متعب نسل من خلا بلاده حنبليه
اخطل اليمنى ليامن الزمن كشر بنابه
حاتمي الجود ساس المجد حلال القضيه
صيرمياً مايهاب الموت والله مايهابه
حاكمٍ زيزوم مافي وقتنا حكام زيه
دولته تفرح بشوفه بعد مااولها غيابه
والمواطن فرحته تزداد في صبح وعشيه
كل شعب المملكه فرحان وافراحه تشابه
ابسلامة خادم البيتين محمود السجيه
للتباشر دور بصدور الشعب شيب وشبابه
ابتهالا في سلامة راعي الكف النديه
والشكر للواحد المعبود من نرجي ثوابه
كاشف الاضرار علام الخفاء رب البريه
يوم سلم سيدي عال القدر نبع المهابه
حاكم الدوله صليب الراي ساس اليعربيه
يالله انك تنصره في ساعةٍ فيها الاجابه
حاكماً قاد المسيره متبع سيرة نبيه
اله منا طاعته فوق الولا والاستجابه
مانخالف بيعة الاجداد لرجالاً ابيه
ومن سعى بالخبث ماله غير يبشر بالكآبه
مايفرق صفنا راع الوشاء والعنجهيه
كلنا صقر العروبه كلنا فدوا ترابه
وكل شعب المملكه لجله يشيل البندقيه
عوض بن سحمان العتيبي